5 أسرار عن الفستان تعرفها كل أنثى. هل تعترفين بها؟

صلاح جاهين قال: "ياللي نهيت البنت عن فعلها؛ قول للطبيعة كمان تبطّل دلع"

2016.07.07دقيقة

غرد

شارك

Pixabay

فستان كلمة في حد ذاتها متشبعة بهجة، مفيش بنت تقريباً بتقول لأصحابها إنها جابت فساتين جديدة، إلا وبتكون في غاية الانشكاح والضحكة جايبة آخرها، الفستان يعني حالة حب عميقة مع الذات وأكثر.
إليك 5 أسرار بين البنت وفساتينها:

1- أكثر تصالح مع أجسامنا

SheKnows

الفستان بالنسبة لي يعني إعلان للعالم إني متصالحة مع جسمي وبحبه حتى لو فيه عيوب، التصالح مع أجسامنا ومحبتها جزء مهم من تصالحنا مع نفسنا، وفي معظم الأحيان البنات بيكونوا أجمل في الفساتين، وده بيساعدهم على حُب أشكالهم وأجسامهم زي ما هي، أو بيحفزهم إنهم يشتغلوا على نفسهم عشان يوصلوا للصورة اللي يحبوها عن أجسامهم وأشكالهم.

2- فستان يعني بهجة

WeedingSevens

لما بيتم دعوتي لفرح أو أي مناسبة لازم ألبس فيها فستان، بتكون البهجة الحقيقية في الحدث إني هلبس فستان، صحيح إننا كبنات بنحب اللبس بشكل عام وبنحب نشتري طول الوقت حاجات جديدة، لكن لما بيكون ضمن الحاجات اللي اشتريتها فساتين البهجة بتكون أكبر، بفضل أقيسهم أكتر من مرة، وبعلّقهم باحترام شديد في الدولاب وبفضل كل ما أعدي من قدامهم ألمسهم وابتسم.

3- أكثر حرية

WordPress / VERYOFFICIAL

لأن لبس الفساتين أحياناً قرار مش سهل بسبب احتمالات التعرّض لمضايقات، والتفكير الشديد في مدى مناسبة لبس فساتين في المنطقة اللي رايحينها، بس لما بننجح نعمل ده بنحس إننا أخدنا حق أصيل من حقوقنا كبنات وبنحس إننا فعلاً أكثر حرية.

4- القرب من طبيعتنا

SteeZo

الفستان يعني أنثى بمنتهى البساطة، حاجة كل ما بنلبسها بتهمس لنا في ودننا أنتِ أنثى وده لبسك الطبيعي، وزي ما الراجل بيحب يحس برجولته بطريقة لبس معينة أو تربية دقنه وشنبه، الفستان كمان من أهم الحاجات اللي بتحسسنا بأنوثتنا.

5- أكثر تصالح مع العالم

7themes

لبس فساتين هو حق بديهي وطبيعي لكل بنت على وجه الأرض، ولما بيتم حرمان البنت لأي سبب من لبس حاجة بتحبها بالشكل اللي بتحبه، بتكون أكثر نقمة على العالم اللي بيحرمها من حق بسيط من حقوقها، لكن لما البنت بتقدر تحقق ده حتى لو بعد وقت طويل من الحرمان، بتقدر تتصالح مع العالم في النقطة دي على الأقل.